Reykjanesbær á að vera aldursvænt bæjarfélag þar sem gott er að verja efri árunum. Gott aðgengi og framboð af heilbrigðis- og félagsþjónustu, fjölbreyttum búsetuúrræðum og félagsstarfi eru lykilatriði. Virkni og vellíðan eru nátengd lífsgæðum og eiga eldri íbúar ávallt að hafa gott aðgengi að fjölbreyttu og heilsueflandi félagsstarfi.

Við boðum breytingar í málefnum eldri íbúa:

• Setjum meiri kraft í félagsstarf eldri íbúa utan Nesvalla og skoðum möguleikana innan hverfa
• Veitum áfram öflugan stuðning við heilsueflingu eldri íbúa 
• Flýtum uppbyggingu fleiri hjúkrunarrýma samhliða öflugri heimaþjónustu
• Komum upp nýjum búsetukosti fyrir eldri íbúa. Um væri að ræða þjónustuíbúðakjarna fyrir eldri íbúa sem þurfa aukna þjónustu við athafnir daglegs lífs án þess þó að þurfa að dveljast á hjúkrunarheimili
• Gerum átak í að hvetja og styðja eldri íbúa til þátttöku í félagsstarfi til að rjúfa eða koma í veg fyrir einangrun
• Gerum ráð fyrir byggingu íbúða fyrir eldri íbúa í skipulagi sveitarfélagsins í nágrenni við þjónustu
• Styrkjum enn frekar samstarf sveitarfélagsins og HSS í þjónustu við eldri íbúa
• Aukum samráð bæjarins við öldungaráð